سب مسلمان جانتے ہیں کہ قرآن مجید سیدنا مسیح کی فوق الفطرت اورمعجزانہ پیدائش کی تعلیم دیتاہے ۔ اورصرف قرآن مجید ہی نہیں بلکہ قرآن مجید کی بنا پر حدیث شریف بھی سیدنا مسیح کی معجزانہ پیدائش کی تعلیم دیتی ہے۔ ملاحظہ ہو۔

بعض اوقات ہم کئی کام حضرت پطرس کی طرح ایسے کر بیٹھتے ہیں کہ ہم خیال کرتے ہیں کہ ہم خدا کی مرضی بجالا رہے ہیں۔ حالانکہ وہ خدا کی مرضی نہیں ہوتی بلکہ ہماری مرضی ہوتی ہے۔

دیکھیں جو اس درخت کا قصور یانقص تھا وہی اس کی سزا ٹھیرا۔ وہ بے پھل تھا اور یہی سزا اس کو دی گئی کہ ہمیشہ بے پھل رہے ۔ افسوس اگر کسی شخص کے گناہ کی سزا اس کو یہی دی جائے کہ وہ اس میں چھوڑا جائے تاکہ اس کا زیادہ مرتکب ہو۔

مسیح دکھ کی آواز کو سن لیتے ہیں خواہ کیسا ہی شور کیوں نہ ہوتا ہو۔ ۔مگر وہ ہر چلانے والے سے یہی پوچھتے ہیں "تم کیا چاہتے ہو کہ میں تمہارے لئے کروں" ہماری دعاؤں میں اکثر اوقات یہ نقص پایا جاتاہے کہ ہم رٹے ہوئے لفظوں اور حفظ کئے ہوئے محاوروں کو اپنی ضرورت محسوس کئے بغیر دعاؤں میں استعمال کرتے ہیں۔ مسیح چاہتے ہیں کہ ہم پہلے اپنی خاص ضرورت کو محسوس کریں۔ اور پھر دعا کریں۔

وہ گھرانا کیسا مبارک گھرانا ہے جہاں مسیح کی آمدورفت ہے ۔ اس گھرانے میں خدا کی عجیب قدرت طرح بطرح دکھائی دیتی ہے۔ اس پر اگر دکھ آتا ہے تو وہ ہلکا کیا جاتا ہے ۔اگر آزمائشیں آتی ہیں تو وہ بھی دور کی جاتی ہیں اگر موت کا غم وارد ہوتا ہے تو وہ قیامت کے یقین سے دفع کیا جاتا ہے ۔